Sony uli çmimet e e-lexuesve të vet. Modeli më i avancuar Reader Daily Edition tani në SHBA në vend të 350 dollarëve kushton vetëm 300 dollarë.
Modelet paksa më të dobët, Pocket dhe Touch Edition, gjithashtu janë liruar. I pari shitet për 150 dollarë (në vend të 170 sa shitej deri tani), derisa çmimi i këtij të fundit nga 200 është ulur në 170 dollarë. Reader Daily Edition i Sonyt deri tani, krahas me Kindle DX, ishte lexuesi më i shtrenjtë i e-librave me mundësi të kyçjes në rrjetat 3G.
Të gjithë lexuesit e Sonyt vijnë me garanci prej një viti, e përkrahin leximin e formateve PDF, ePub, BBeB dhe docx. /rrjeta.org/
